మెగాస్టార్ చిరంజీవి తాజా చిత్రం ‘విశ్వంభర’ కోసం అభిమానులు తో పాటు ప్రేక్షకులు ఎంతో ఆసక్తిగా ఎదురుచూస్తున్న సంగతి తెలిసిందే. చిరంజీవి నుంచి చాలా కాలం తర్వాత వస్తున్న ఈ సోషియో ఫాంటసీ మూవీ పై మంచి అంచనాలే ఉన్నాయి. ఈ చిత్రంతో మెగాస్టార్ బాక్సాఫీస్ దగ్గర భారీ రికార్డ్ లు క్రియేట్ చేయబోతున్నాడని అభిమానులు అంటున్నారు. కళ్యాణ్ రామ్ తో బింబసార వంటి హిట్ ఇచ్చిన దర్శకుడు వశిష్ఠ డైరెక్ట్ చేస్తున్నాడు. ఈ నేపధ్యంలో ఈ సినిమా రిలీజ్ హాట్ టాపిక్ గా మారింది.
ఈ సినిమాను తొలుత సంక్రాంతి 2025 కానుకగా రిలీజ్ చేయాలని ప్లాన్ చేశారు. కానీ, సినిమా వర్క్ ఇంకా పూర్తి కాకపోవడం, ‘గేమ్ ఛేంజర్’ మూవీ రిలీజ్ కారణంతో ‘విశ్వంభర’ రిలీజ్ వాయిదా వేశారు.
‘విశ్వంభర’ సినిమాను వేసవి కానుకగా రిలీజ్ చేస్తామంటూ మేకర్స్ చెప్పుకొచ్చారు. కానీ, ఇప్పుడు ఈ మూవీ రిలీజ్ మరింత ఆలస్యం కానున్నట్లు తెలుస్తోంది. ఈ సినిమాకు సంబంధించిన వీఎఫ్ఎక్స్ పనులు ఆలస్యం అవుతుండటం దీనికి కారణంగా తెలుస్తోంది. వీఎఫ్ఎక్స్ అవుట్‌పుట్ ఆశించిన మీర లేకపోవడంతో ఈ ప్రాజెక్ట్ ఆలస్యం అవుతుందట.
ఇదిలా ఉంటే ఈ చిత్ర నిర్మాతలు ఈ మూవీ డిజిటల్ రైట్స్‌ను వీలైనంత ఫ్యాన్సీ రేటుకు విక్రయించేందుకు ప్రయత్నాలు చేస్తున్నారు. ఈ కారణాలతో ‘విశ్వంభర’ అనుకున్న సమయం కంటే ఎక్కువ ఆలస్యం అవుతుంది.
త్రిష హీరోయిన్‌గా నటిస్తున్న ఈ సినిమాను యూవీ క్రియేషన్స్ భారీ బడ్జెట్‌తో ప్రొడ్యూస్ చేస్తోంది.
